Истражувачки центар за животна средина и материјали

Истражувачкиот центар за жи­вотна средина и материјали еоснован во 2014 година. Како дел од Македонската ака­демија, Центарот е замислен како свое­видна фокусна точка што ја координира истражувачката активност во областа на животната средина, од една страна, и областа на материјалите, од друга. Замислата е лабораториската опрема и инструментите кои веќе ги поседуваат факултетите и истражувачките едини­ци надвор од МАНУ да им бидат ста­вени на располагање на сите заинтересирани истражувачи, соработници на Центарот, за да се зголеми можноста за нејзино оптимално искористување, да се зголеми меѓудисциплинарната сора­ботка, да се подобрат условите за рабо­та и конкурентноста на домашните ис­тражувачи, а на младите истражувачи да им се даде поголема независност и шанса да ги реализираат своите идеи.

За остварување на оваа основна цел веќе се потпишани меморандуми за соработка со девет институции во земјава.

Во овие неколку години од формирањето на Центарот интензивно се работи на девет проекти од Програмата за соработка меѓу Македонската акаде­мија на науките и уметностите и Бугар­ската академија на науките, чии рако­водители се акад. Бојан Шоптрајанов, акад. Глигор Jвановски и акад. Владо Матевски. Координатори на овие про­екти се истражувачи коишто потпиша­ле согласност да бидат работници на Истражувачкиот центар за животна средина и материјали.

  1.  Примена на атомска апсорп­циона спектрометрија за анализа на елементи во траги;
  2. Спектроскопски и структурни истражувања на некои метални ком­плекси;
  3.  Тавтомерни рамнотежи кај мо­лекуларни кластери и течности;
  4. Изучување на површинската морфологија на наноструктурни тенки слоеви со техники на микроскопија со скенирачка сонда;
  5. Структурна карактеризација и изучување на електрични и катали­тички својства на новосинтетизирани комплексни перовскити;
  6. Приготвување и карактериза­ција на електрохромни тенки филмо­ви од ванадиумови оксиди;
  7. Синтеза, карактеризација и антимикробна евалуација на некои нови хинолони;
  8. Зафаќање на полнеж во струк­тури метал/оксид/high k-dielec-tric/ок­сид/Si (MOHOS) за примени во трајни мемории;
  9. Флористички и таксономски истражувања на некои родови од фами­лиите Lamiacae и Astraceae во Републи­ка Македонија и Република Бугарија.

Како резултат на научноистра­жувачката работа во Центарот се обја­вени повеќе од дваесетина научни трудови, од кои повеќето во меѓуна­родни научни списанија. Резултатите од научната работа на Истражувачки­от центар се презентирани на повеќе од десетина меѓународни и национал­ни научни собири во форма на посте­ри или усни излагања.

Истражувачкиот центар за жи­вотна средина и материјали соработу­ва со бројни институции од Република Македонија, од соседните земји, како и со повеќе научни институции од различни eвропски и светски земји.

Соработката со овие институции вклучува соработка на заеднички на­ учноистражувачки проекти, специја­лизација и обука на научни кадри, по­канети предавачи, како и размена налитература. Во Центарот работи еден научен соработник и еден соработ­ник-истражувач, но во неговата рабо­та се вклучени и голем број научници од земјaва и од странство.